掩嘓雞(宓鄉找)
2015-11-02

(童趣篇)                        掩嘓雞(宓鄉找)1

農會社會,庄腳攏有大大門口埕,活動空間無限,細漢時拵,治月光絞潔,微風清涼下暗時,2大細漢囯仔,攏相召到門口埕宓相找,玩『掩嘓雞』遊戲仙猜拳,輸的做鬼,做鬼个囯仔,目睭瞇瞇,面相土角壁3,不可偷看,兩手放在牆壁上,開始大聲念:『掩嘓雞.炒飛镭.炒外濟4,炒一飯篱』有淌食5擱有賣』。大聲唸兩遍,聽大家攏走去宓做鬼的開始找,被找到的囯仔,著換伊做鬼。重覆把口訣念兩遍,開始找,由他做鬼。

    雖是月光暝,為著驚呼人掠去做鬼,厝前後壁暗暝摸,母管甚麼所在嘛走去宓,牛椆甲柴間是宓相找藏身个好所在,有一介,宓治牛椆內蔗尾內,去驚動鴨母,忠治柴間草絪垺內,大熱天,內杉內褲澹漉漉。恬恬時,聽著心肝頭啵噗彈,嘛不敢出聲,聽是毋是有鬼个腳步聲,真驚去呼鬼掠到。

    這是早期農村治月色皎潔下暗時,囝仔宓相找掩嘓雞ㄔ亍的童趣,農村三合院的無限空間景緻,有因漸都市化,不斷開發,高樓林立,已經無凍找了,雖然無奈,但一切都在得失中,以後如要再『宓相找』(其實也無凍找),只有在回憶裏,或是在夢裡『找』。